نكت مغربية مضحكة و محترمة

اذهب الى الأسفل

نكت مغربية مضحكة و محترمة  Empty نكت مغربية مضحكة و محترمة

مُساهمة  aridal في الجمعة 2 ديسمبر - 11:58:36

نكت مغربية مضحكة و محترمة  SRd33-lv0L_599348989



واحد مبوق كيتمشى حدا واحد الواد وهو يخرج ليه تمساح
وهو يقول: يآآآآآآآاه! لا كوست





هادا واحد المبوق، ملي كيضرب البرق، كيفرنس
كيصحاب ليه كيصوروه





واحد المكلخ سولوه: أشنو الفرق بين الليمون والتفاح؟
قال ليهم: الليمون اللون ديالو ليموني ولكن التفاح اللون ديالو ماشي تفاحي






شفار تزوج شفارة، ملي ولدو وليد لقاوه ساد ايديه، وملي حلوها لقاو الخاتم ديال القابلة



هادا واحد المكلخ حلم براسو تجمعو عليه رباعة ديال الدراري بغاو يسلخوه
الغد ليه، جمع صحابو كاملين وجابهوم ينعسوا معاه ف الدار






واحد الولد سول أمه: كون ما تزوجتيش بابا وما ولدتينيش وشفتيني عند الناس... تعرفيني؟













واحد الغليض مشى عند الطبيب وقال ليه: بغيت ندير ريجيم، تقهرت بهاد الغلض
قال ليه الطبيب: كول نص خبزة ف الفطور، ونص خبزة ف الغدا، ونص خبزة ف العشا
قال ليه الغليض: واش قبل الماكلة أولا بعد منها؟





واحد الراجل سميتو مبارك، شرى حولي ودخل بيه الدرب
شافتو جارتو من الشرجم، وقالت ليه: مبارك الحولي
قال ليها: خدوج النعجة





هادا واحد الحمار شاف راسو ف المراية وهو يقول: والله حتى أنا عود




واحد الولد سول باه: بابا أشنا هو الموديم؟
قال ليه باه: ما عرفتش أولدي.
قال ليه الولد: أشنا هي الانترنت؟
قال ليه باه: ما عرفتش أولدي.
قال ليه الولد: أشنا هي العولمة؟
قال ليه باه: ما عرفتش أولدي.
قالت ليه أمه: خلي عليك باك بركة من التبرزيط
قال ليها راجلها: لا، خلي الولد يستافد





واحد عصبي قال لمرتو: غادي نعاود ليك واحد الحاجة غريبة بزاف وقعات ليا اليوم
هاد الحاجة غريبة لدرجة أنك ما غاديش تيقيني وغادي تقولي عليا كداب
ولكن أنا راه ماشي كداب، ونتي اللي كدابة، وطاسيلتك كلها اللي كدابة يا قليلة الترابي
وسيري راكي طالق كاع





اتمنى ان تعجبكم هده النكت

و الى اللقاء الى حصة اخرى

ان شاء الله




نكت مغربية مضحكة و محترمة  POta7-x0I3_530802737
aridal
aridal

عدد المساهمات : 20
نقاط : 2911
تاريخ التسجيل : 19/11/2011

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى